आजबाट दाङ एयरपोर्टमा दैनिक दुई उडान

- समय सन्दर्भ


दाङ, साउन २१ । दाङ एयरपोर्टमा भोलि (बुधवार) देखि दैनिक दुईवटा उडान हुने भएको छ । एयरलाइन्सका उपनिर्देशक पुष्पकुमार श्रेष्ठले तुलसीपुर उपमहानगरपालिकाका मेयर घनश्याम पाण्डेलाई पत्र लेख्दै दैनिक दुईवटा उडान गर्न प्रस्ताव पठाएका छन् ।

यात्रुको चाप बढेको भन्दै श्रेष्ठले दैनिक दुईवटा उडान गर्ने प्रस्ताव गरेपछि त्यसलाई तुलसीपुर उपमहानगरपालिकाले पनि स्वीकार गरेको छ । नेपाल बायुसेवा निगम र तुलसीपुर उपमहानगरपालिकाको बीचमा २०७५ साल कार्तिक ३० गते तुलसीपुर उपमहानगरपालिका वडा नं. १२ टरिगाउँ एयरपोर्टमा विमान उडानका सम्वन्धमा द्धपक्षिय सम्झौंता भएको थियो । त्यसयता दैनिक काठमान्डौं – दाङ– काठमान्डौं एउटा उडान हुँदै आएको थियो । तर साउन २२ गतेदेखि भने यात्रुको चापलाई मध्यनजर गर्दै दैनिक दुई र हप्तामा २४ वटा उडान गर्ने प्रस्ताव निगमले गरेको छ ।

उपनिर्देशक श्रेष्ठले नगरप्रमुख पाण्डेलाई लेखेको पत्रमा हाल निगमको केन्द्रिय कार्यालय, तुलसीपुरस्थित निगमको कार्यालय, विभिन्न ट्राभल एजेन्सिहरुमा टिकट खरिद गर्ने यात्रुको चाप बढ्दै गएको अवस्था उल्लेख गरेका छन् । ‘दैनिक एक उडानले यात्रुको चाप थेग्न असहज हुन थालेको र थप उडानको समेत माग बढ्दै गएको हुनाले उडान संख्या थप्न लागेका हौं,’ श्रेष्ठले भने ।

यसलाई नगरप्रमुख पाण्डेले जिल्लाबासीको लागि एउटा अवसर भएको बताए । ‘ निगमको प्रस्तावले हामी त निकै खुसी भएका छौं । विमान सेवा वन्द हुँदा कुनैदिन यात्रु पाईदैनन् भन्ने गलत हल्ला पैmलाइएको थियो । त्यो गलत थियो भन्ने आज प्रमाणित भएको छ,’ पाण्डेले भने ।

बन्द रहेको जिल्लाको एक मात्र टरिगाँउ विमानस्थललाई तुलसीपुर उपमहानगरपालिकाले पुनः संचालनमा ल्याएको थियो । टरिगाउँ विमानस्थलमा टर्मिनल भवन निर्माणको काम पनि अन्तिम चरणमा पुगेको छ ।

२०११ फागुन ११ मा परीक्षण उडान गरिएको विमानस्थल नियमित रूपमा चल्न नसक्दा यस क्षेत्रका बासिन्दालाई हवाई यात्रा गर्दा भैरहवा वा नेपालगञ्ज जानुपर्ने बाध्यता रहँदै आएको थियो ।

-फरक कोण

 

Please Post Your Comments & Reviews

Your email address will not be published. Required fields are marked *

फेसबुक प्रतिकृया


SAMAYA SANDARVA

CRT Building,First Floor
Putalisadak, Kathmandu, Nepal
01-4240129

samayasandarva75@gmail.com
सूचना विभाग दर्ता नंः हामी प्रकृयामा छौ
Border circle

सम्पादक

सुभद्रा धिताल

Border circle

मल्टिमिडिया

राजेश खत्री

Border circle

ग्राफिक्स

जीत पुन

Border circle

कार्यालय व्यवस्थापन

कर्मराज तामाङ

Border circle

बजार व्यवस्थापन

लक्ष्मण भण्डारी

©२०७५ samayasandarva.com सर्वाधिकार सुरक्षित
Website by : WitNepal