तुलसीपुर मोतिविन्दुमुक्त अभियान सुरु

- समय सन्दर्भ

तुलसीपुर, फागुन ३० । तुलसीपुुर उपमहानगरपालिका वडा नम्वर १ धारपानी टोलकी कृष्णी सार्की (५९) ले गतवर्ष एउटा आँखाको मोतिविन्दुको अपरेशन गरिन् । घरमा कोही नभएकी सार्कीले यसपटक गाउँमै आँखा जाँच्ने मान्छे आएका थिए भन्ने सुनेर आँखा जाँच गराउन गइन् । उनको अर्को आँखामा पनि मोतिविन्दु भएको रहेछ । ‘आँखा किन धमिलो भयो भनेको त मोतिविन्दु पो भएको रहेछ ’ सार्कीले समयमै चेकजाँच गराएका कारण आँखा देख्ने आशा पलाएको वताइन् । सोही ठाउँमा वस्ने सोमेश्वर पाण्डे (७०) ले वायाँ आँखा मात्रै देख्थे, गाउँमा आएको आँखा चेक गर्ने टोलिलाई चेक गराउँदा अर्को आँखामा त मोतिविन्दु पो भएको रहेछ । ‘अब दुवै आँखा देख्न पाइने भयो ’ उनले खुसी व्यक्त गरे ।
तुलसीपुर उपमहानगरपालिकाले आयोजना गरेको मोतिविन्दु भएकाहरुको निःशुल्क अपरेसन गर्ने कार्यक्रममा उनी अपरेसन गर्न आएकी रहिछन् । वडा नम्वर २ का टिकाराम गिरी (८५) आँखा धमिलो हुँदै गएपछि गाउँमा आएको टोलीमा चेकजाँच गराउँदा मोतिविन्दु भएको रहेछ । ‘आज अपरेसन हुन्छ भनेर आएको छुँ’ अपरेसन गर्नेहरुको लाइनमा उभिएका गिरीले भने । उनीजस्ता धेरै वृद्धहरु उत्साहका साथ अपरेसन गर्न तम्सिएका थिए । ‘पैसाको अभावमा कोही पनि मोतियाविन्दुको अपरेसनबाट वञ्चित हुनुपर्ने छैन ’ नगरप्रमुख घनश्याम पाण्डेले भने ।

तुलसीपुर उपमहानगरपालिकालाई मोतिविन्दुमुक्त नगर घोषणा गर्नका लागि उपमहानगरपालिकाले ‘मोतिविन्दु मुक्त तुलसीपुर, उज्यालो तुलसीपुर’ अभियानको आरम्भ गरेको छ । मुख्यमन्त्री शंकर पोखेल र वरिष्ठ आँखा रोग विशेषज्ञ डा. सन्दुक रुइतले अभियानको सुरुवात गरेका थिए । आँखा रोगको उपचारका लागि तुलसीपुरलाई केन्द्र वनाउन गरी प्रदेश सरकारले योजना अगाडि वढाउने मुख्यमन्त्री पोख्रेलले वताए । उनले प्रदेश सरकारले पनि आँखा उपचारको अभियान सञ्चालनका लागि योजना वनाएको जानकारी दिए ।

वरिष्ठ आँखा रोग विशेषज्ञ डा. सन्दुक रुइतले अभियानलाई नेपालका हरेक ठाउँमा पु¥याउनका आवश्यक रहेको वताउँदै आफ्नो तर्फबाट सहयोग गर्न तयार रहेको वताए । उनले आँखा सम्वन्धि विभिन्न रोगबाट वच्नका लागि नियमित रुपमा आँखा जाँच गराउन आवश्यक रहेको वताए ।

अभियानको पहिलो दिन तुलसीपुर उपमहानगरपालिका वडा नम्वर १ र २ का १ सय जना मोतिविन्दु भएकाहरुको निशुल्क अपरेसन गरिएको स्वास्थ्य महाशाखा प्रमुख गोकर्ण दाहालले जानकारी दिए । उनले पहिलो दिन अपरेसन गर्ने र दोस्रो दिन अपरेशन गरिएकाहरुलाई निःशुल्क चस्मा र औषधि वितरण गरिने समेत जानकारी दिए । एक जना विरामीको उपचारका लागि ८ हजार खर्च लाग्नेमा उपमहानगरपालिकाले ५ हजार र राप्ती अञ्चल आँखा अस्पतालले ३ हजार रुपैमा खर्च गर्ने भएको हो ।

उनले अभियानलाई नगरका १९ वटै वडामा विस्तार गरिने समेत वताए । उपमहानगरपालिका भित्र १५ सय मोतिविन्दुका विरामी रहेको पनि दाहालले वताए । उनले यसैवर्ष ५ सय मोतिविन्दु भएकाहरुको अपरेसन गर्ने योजनामा शाखा रहेको पनि वताए ।

तुलसीपुर उपमहानगरपालिका वडा नम्वर १ का वडाध्यक्ष लक्ष्मण भण्डारीको अध्यक्षतामा भएको कार्यक्रममा वोल्दै नगरप्रमुख घनश्याम पाण्डेले नसर्ने रोगका कारण विश्वमा धेरै जनताको ज्यान जाने गरेको वताउँदै उपमहानगरपालिकाले यसका लागि अभियान सञ्चालन गरेको वताए । ‘रोग लाग्नुभन्दा पनि लाग्नै नदिनका लागि हामी सचेत हुनुपर्दछ ’ उनले वताए । वडा नम्वर २ का वडाध्यक्ष राज आचार्यले धन्यवाद ज्ञापन गरेको कार्यक्रमको सहजिरकण प्रवक्ता श्याम डाँगीले गरेका थिए ।

यसैविच विश्व मृगौला दिवसका अवसरमा मृगौलाको समेत चेकजाँच गरिएको छ । वरिष्ठ मृगौला रोग विशेषज्ञ डा. ऋषि काफ्लेले आरम्भ गरेको कार्यक्रममा वोल्दै उनले जीवनशैलीका कारण मृगौला रोगीको संख्या वढ्दै गएको वताउँदै नियमित रुपमा मृगौला चेकजाँच गराउनु पर्ने वताए । ‘यहाँबाट मृगौला रोग लागेका मान्छेहरुको हामीले काठमाडौमा निःशुल्क चेकजाँच गर्नेछौ’ उनले भने । दैनिक ३ लिटर पानी पिउँदा मृगौलाबाट वच्न सकिने उनले सुझाएका थिए ।

Please Post Your Comments & Reviews

Your email address will not be published. Required fields are marked *

फेसबुक प्रतिकृया


SAMAYA SANDARVA

CRT Building,First Floor
Putalisadak, Kathmandu, Nepal
01-4240129

samayasandarva75@gmail.com
सूचना विभाग दर्ता नंः हामी प्रकृयामा छौ
Border circle

सम्पादक

सुभद्रा धिताल

Border circle

मल्टिमिडिया

राजेश खत्री

Border circle

ग्राफिक्स

जीत पुन

Border circle

कार्यालय व्यवस्थापन

कर्मराज तामाङ

Border circle

बजार व्यवस्थापन

लक्ष्मण भण्डारी

©२०७५ samayasandarva.com सर्वाधिकार सुरक्षित
Website by : WitNepal