मदिराजन्य पदार्थमा मुल्य वृद्धी

- समय सन्दर्भ

काठमाडौं, जेष्ठ १९ । बजेट पश्चात मदिराजन्य पदार्थमा मुल्य वृद्धी भएको  छ । सरकारले मदिरा तथा मदिराजन्य पदार्थको अन्तशुल्क र भन्सार दर बढाएपछि मुल्य पनि बढेको हो । बुधबार संसदमा प्रस्तुत भएको आर्थिक विधेयकअनुसार स्वदेशी उद्योगलाई प्रोत्साहन गर्न भन्दै स्वदेशमा उत्पादित वाइनमा आयातित वाइनभन्दा कम अन्तशुल्क लगाइएको छ ।

आयातित मदिरालाई निरूत्साहित गर्न भन्दै १० प्रतिशतसम्म शुल्क बढाइएको छ । मदिराको ‘युपी’ शक्ति र अल्कोहलको मात्राका आधारमा भन्सार र अन्तशुल्क दर बढाइएको छ । आयातित मदिराको हकमा तोकिएको हल्कोहलको मात्रा १ प्रतिशत बढी फरक परेमा उच्चदरको अन्तशुल्क लगाउने आर्थिक विधेयकमा उल्लेख छ ।

बियरको मूल्य कतिले बढ्यो ?

भन्सार र अन्तशुल्क बढेसँगै उद्योगी तथा वितरकहरुले नयाँ मूल्यसूची जारी गरेका छन्। बिक्रेताहरुले नयाँ मूल्यमा मदिराको बिक्री सुरु गरिसकेका छन् । जसअनुसार ६५० मिलि टुबोर्ग बियरको प्रतिबोत्तल उपभोक्ता मुल्य ३४० रुपैयाँ तोकिएको छ भने ५ सय मिलि क्यान बियरको २६० रुपैयाँ पर्नेछ ।

६५० मिलि काल्सबर्ग बियरको उपभोक्ता मूल्य प्रतिबोत्तल ३७० रुपैयाँ तथा ५०० मिलि क्यानको २७० रुपैयाँ पर्नेछ । ६५० मिलि गोर्खा बियरको मूल्य प्रतिबोत्तल ३३० रुपैयाँ तोकिएको छ । गोर्खा ब्रुअरीले यी उत्पादनको नयाँ मूल्य जेठ २३ गतेदेखि लागू हुने जनाएको छ । टाइगर ब्रुअरीले जेठ १७ देखि लागू हुने गरी ६५० मिलिमा रहेको टेन्सबर्ग प्रिमियम लागरको ३५० रुपैयाँ र स्ट्रङको ३१० रुपैयाँ प्रतिबोत्तल मूल्य तोकेको छ ।

५०० मिलिको प्रिमियम लागर मूल्य २७० रुपैयाँ र स्ट्रङको २५० रुपैयाँ पर्नेछ । ३०० मिलिमा लागरको १६५ रुपैयाँ प्रतिबोत्तल मूल्य तोकिएको छ । लण्डन आइस स्ट्रङको मूल्य ६५० र ५०० मिलिमा क्रमशः प्रतिबोत्तल २४० र २०० रुपैयाँ मूल्य कायम भएको छ । नेपाल टाइगर स्ट्रङको मूल्य ६५० मिलिको २३५ रुपैयाँ तथा ५०० मिलिको २ सय रुपैयाँ तोकिएके छ ।

प्रिमियम लागरको मूल्य २६० रुपैयाँ पर्नेछ । अल्कोहलरहित बियरमा यसअघि प्रतिलिटर भन्सार दर १ सय ६५ रुपैयाँ थियो भने अहिले २ सय पुगेको छ । वाइनमा प्रतिलिटर २ सय ४० थियो भने अहिले ३ सय रुपैयाँ पुगेको छ । त्यस्तै छ्याङमा पहिले ३० प्रतिशत भन्सार शुल्क लाग्दै आएको थियो भने अहिले ४० प्रतिशत लाग्ने भएको छ ।

ह्विस्की, भोड्का, रम र जीनमा पहिले प्रतिलिटर १६ सय भन्सार शुल्क लाग्ने गरेकोमा अहिले २ हजार पुगेको भन्सार विभागले जनाएको छ । वियरमा पहिले प्रतिलिटर १५० रुपैयाँ अन्तशुल्क दर लाग्दै आएकोमा अहिले १ सय ६५ पुगेको छ । १७ प्रतिशतसम्म अल्कोहल भएको वाइनमा पहिले अन्तशुल्क दर प्रतिलिटर ३ सय ३५ रुपैयाँ थियो भने अहिले ३ सय ६० पुगेको छ ।

७ प्रतिशतभन्दा बढी अल्कोहल भएको वाइनमा पहिले अन्तशुल्क दर प्रतिलिटर ३ सय ९० थियो भने अहिले ४ सय ३० रूपैयाँ पुगेको छ । छ्याङमा पहिले प्रतिलिटर ३० रूपैयाँ अन्तशुल्क दर लाग्दै आएको थियो भने अहिले ३५ रूपैयाँ लाग्ने भएको छ । १५ युपी शक्ति र ४८.५ प्रतिशत अल्कोहलको मात्रा भएको तयारी मदिरा (ह्विस्की, भोड्का, रम र जीन) मा प्रतिलिटर अब १ हजार ३ सय २५ रुपैयाँ शुल्क लाग्ने भएको छ ।

त्यस्तै २५ युपी शक्ति र ४२.८ प्रतिशत अल्कोहलको मात्रा भएको तयारी मदिरामा पहिले प्रतिलिटर ८ सय ९८ अन्तशुल्क लिइँदै आएको थियो भने अहिले ९ सय ९० रुपैयाँ लाग्ने भएको छ । ३० युपी शक्ति र ३९.९४ प्रतिशत अल्कोहलको मात्रा भएको तयारी मदिरामा पहिले प्रतिलिटर ८ सय ३६ रुपैयाँ अन्तशुल्क दर लिइँदै आएकोमा अब ९२० लाग्ने भएको छ ।

कच्चा पदार्थमा पनि भन्सार र अन्तशुल्क करिब १० प्रतिशतले बढाइएको छ । यसर्थ स्वदेशमै उत्पादन हुने मदिराको मूल्य पनि बढेको छ । सुर्ती तथा सुर्तीजन्य पदार्थमा पनि १० प्रतिशतले भन्सार र अन्तशुल्क दर बढाइएको छ ।

Please Post Your Comments & Reviews

Your email address will not be published. Required fields are marked *

फेसबुक प्रतिकृया


SAMAYA SANDARVA

CRT Building,First Floor
Putalisadak, Kathmandu, Nepal
01-4240129

samayasandarva75@gmail.com
सूचना विभाग दर्ता नंः हामी प्रकृयामा छौ
Border circle

सम्पादक

सुभद्रा धिताल

Border circle

मल्टिमिडिया

राजेश खत्री

Border circle

ग्राफिक्स

जीत पुन

Border circle

कार्यालय व्यवस्थापन

कर्मराज तामाङ

Border circle

बजार व्यवस्थापन

लक्ष्मण भण्डारी

©२०७५ samayasandarva.com सर्वाधिकार सुरक्षित
Website by : WitNepal