राम्रीको मोडमा फेरी अर्को दुर्घटना

- समय सन्दर्भ

राजेश खत्री,
दाङ। राप्ती राजमार्ग अन्तरगत तुलसीपुर उपमहानगरपालिका वडा नं. ३ स्थित राम्रीको राम्रीको मोडवाट फेरि एउटा ट्रक खसेको छ । पुस ६ गते मात्रै यही मोडवाट एउटा बस खस्दा १९ विद्यार्थी, २ शिक्षक तथा चालक र सहचालक गरि २३ जनाको मृत्यु भएको थियो । यसअघि पनि यही मोडवाट एउटा मोटरसाईकल र ट्रयाक्टर दुर्घटनामा परेका थिए ।

त्यही राम्रीकै मोडवाट आइतवार मध्यरातमा ना ६ ख ५४१४ नम्वरको ट्रक खसेर टुक्रा टुक्रा भएको छ । तर दुर्घटनामा परि कुनै मानविय क्षति भने नभएको प्रहरीले जानकारी दिएको छ । ट्रक सल्यान वाट तुलसीपुर तर्फ आउँदै गरेको थियो ।
घटनास्थल वाट फर्केपछि ईलाका प्रहरी कार्यालय तुलसीपुरका प्रमुख एवं डिएसपी प्रेमबहादुर शाहीले ट्रक झन्डै ७ सय मिटर तल खसेको र त्यसको विभिन्न पाट पूर्जा झरप्रष्ट भएको जानकारी दिए ।

ट्रकका चालक सकुशल रहेको प्रहरीले बताएको छ । चालक सम्पर्कमा नआएको हुँदा दुर्घटनाको कारण खुल्न नसकेको प्रहरीले जानकारी दिएको छ ।

यसैबीच राम्रीको मोडको ढिस्को काटेर र मोड फराकिलो पारिने भएको छ ।
पुस ६ गते भएको बस दुर्घटनामा परि २३ जनाको मृत्यु भएपछि ५ नं. प्रदेश प्रहरी कार्यालय तुलसीपुर दाङका एसएसपी नरबहादुर केसीको संयोजकत्वमा गठित छानविन समितिले दुर्घटना रोक्न राम्रीको मोड काट्नु पर्ने सुझाव दिएको थियो ।

प्रहरीले आफ्नो प्रतिवेदनमा गलत रोड इञ्जिनियरिङले गर्दा राम्रीमा पटक÷पटक दुर्घटना हुने गरेको निष्कर्ष निकाले पछि मध्यपश्चिम सडक डिभिजन कार्यालय घोराही दाङले मोड काट्नका लागि टेन्डर आह्वान गरेको थियो ।  ठेक्का लागि सकेको भएपनि त्यो भिर काट्न ढिला भएपछि सोमवार मात्रै दाङका प्रमुख जिल्ला अधिकारी गोविन्द्रप्रशाद रिजालले सम्वन्धित ठेकेदारलाई बोलाएर काम छिटो गर्न आग्रह गरिएको जानकारी दिएका छन् ।

आइतवार राति फेरि राम्रीको मोडवाट ट्रक खसेपछि आफुले उज्वल निर्माण सेवाका दिपक न्यौपानेलाई बोलाएर तत्काल काम सुरु गर्न मौखिक आदेश दिइसकेको प्रजिअ अधिकारीले जानकारी दिए ।

ढिस्को काट्ने जिम्मा लिएका निर्माण व्यवसायिले एक दुई दिन भित्रै मेसिन लगरे काम थाल्ने आश्वासन दिएको प्रजिअ अधिकारीले जानकारी दिए ।

-तस्बिर : राजेश खत्री

Please Post Your Comments & Reviews

Your email address will not be published. Required fields are marked *

फेसबुक प्रतिकृया


SAMAYA SANDARVA

CRT Building,First Floor
Putalisadak, Kathmandu, Nepal
01-4240129

samayasandarva75@gmail.com
सूचना विभाग दर्ता नंः हामी प्रकृयामा छौ
Border circle

सम्पादक

सुभद्रा धिताल

Border circle

मल्टिमिडिया

राजेश खत्री

Border circle

ग्राफिक्स

जीत पुन

Border circle

कार्यालय व्यवस्थापन

कर्मराज तामाङ

Border circle

बजार व्यवस्थापन

लक्ष्मण भण्डारी

©२०७५ samayasandarva.com सर्वाधिकार सुरक्षित
Website by : WitNepal