आफूलाई तपश्वी एवं लिटिल बुद्ध बताउने रामबहादुर बम्जनको घरबाट प्रहरीले अहिलेसम्म तीन करोड ३० लाख बढी नेपाली रूपैयाँ फेला पारेको छ।
प्रहरीको केन्द्रीय अनुसन्धान ब्युरोका अनुसार बम्जनको घरमा छापामार्दा नेपाली रूपैयाँमात्र होइन विदेशी मुद्रा पनि फेला परेको छ।
प्रहरीले १६ वटा देशका मुद्रासहित कम्तिमा ३ करोड ३० लाख रुपैयाँ बरामद गरेको हो।
उनको साथबाट १५ वटा मोबाइल, तीनवटा ल्यापटप र ३५ वटा पेनड्राइभ पनि बरामद भएको छ।
सीआईबीले बम्जनलाई मंगलबार साँझ हात्तिगौंडाबाट पक्राउ गरेको थियो । उनी त्यहाँ श्रीमती र छोराछोरीसहित बसेका थिए ।
प्रहरी पुगेपछि भाग्नलाई उनले बरण्डाबाट हाम फालेका थिए। तर प्रहरी उनलाई नियन्त्रणमा लिन सफल भएको थियो।
उनी विरूद्ध आश्रममा बस्दै आएका तीन आनी र २ चेला गरि ४ जनालाई बेपत्ता पारेको, एकजनाको हत्या गरेको, एकजनालाई बलात्कार गरेको जाहेरी प्रहरीमा परेका छन्।
