एसिसी यू-१९ एसिया कपको आफ्नो दोस्रो खेलमा नेपालले अफगानिस्तानविरुद्धको खेल जित्न २६२ रनको लक्ष्य पाएको छ। टस हारेर पहिले ब्याटिङ गरेको अफगानिस्तानले ४९ दशमलव ३ ओभरमा ९ विकेट गुमाएर २६१ रन बनायो।
अफगानिस्तानका सर्वाधिक रन स्कोरर जमशिद जदरान रिटायर्ड आउट भएका थिए। उनले १०६ रन बनाए। यस्तै नुमन साहले ६०, रहिमुल्लाह जुरमतीले ३५ रन बनाए।
नेपालका हेमन्त धामी, गुलसन झा र सुवास भण्डारीले समान २/२ विकेट लिँदा आकाश चन्द र दिपेश कडेलले १/१ विकेट लिए।
