नेपाल सुपर लिगको दोस्रो संस्करण अन्तर्गत शनिबारको खेलमा धनगढी एफसी र ललितपुर सिटी एफसीले गोलरहित बराबरी खेलेका छन्। गोलरहित बराबरीसँगै दुवै टोलीले एक-एक अंक बाँडेका छन्। लिगमा दुवै अपराजित टोली हुन्।
दुवै टोलीले गोलका केही अवसर पाए पनि सफल हुन नसक्दा अंक बाँड्न बाध्य भए। धनगढीको यो पहिलो बराबरी हो भने ललितपुरको दोस्रो बराबरी । शीर्ष स्थानमा रहेको धनगढीको ७ अंक भएको छ भने ललितपुरको ५ अंक । पोखरा थन्डर्सको पनि ३ खेलबाट ५ अंक नै छ।
