कैलालीमा दशैंका बेला महिलालाई ठक्कर दिएर भागेका कार चालकलाई प्रहरीले पक्राउ गरेको छ ।
पूर्वपश्चिम राजमार्गअन्तरगत गौरीगंगा नगरपालिका-६ को बनबेहडामा दशैंको भोलिपल्ट नम्बर नखुलेको कारको ठक्करबाट घाइते गोदावरी नगरपालिका-९ की ६० वर्षीय मनादेवी रावतको मृत्यु भएको थियो ।
रूपन्देहीको तिलोतमा नगरपालिका- ११ महुबारी बस्ने ५० वर्षीय ज्ञानराज पाण्डेले चलाएको बा१५च ८४७० नम्बरको कारले ठक्कर दिएको खुलेको हो ।
भारतको नैनीताल घुम्न गएका उनी महिलालाई ठक्कर दिएर भागेका थिए ।
चिसापानीदेखि महेन्द्रनगरसम्म जडान गरिएका सीसीटीभी क्यामेराको फुटेजका आधारमा ठक्कर दिने कार पत्ता लगाएर नियन्त्रणमा लिइएको हो ।
