काठमाडौं – आगामी कार्तिक १ गतेदेखि काठमाडौंमा सुरु हुने त्रिकोणात्मक टी-२० आई सिरिजको पहिलो खेलमा नेपालले युएईसँग खेल्ने भएको छ। नेपाल क्रिकेट संघ (क्यान) ले नेपाल, युएई र हङकङबीच हुने त्रिकोणात्मक टी-२० सिरिजको खेल तालिका सार्वजनिक गरेको हो।
नेपालले युएईसँग मुलपानी क्रिकेट मैदानमा खेल्नेछ। यस्तै दोस्रो खेल नेपालले कार्तिक २ मा हङकङसँग खेल्नेछ। त्यस्तै कार्तिक ४ मा पुन: हङकङसँग खेल्नेछ भने कार्तिक ६ मा युएईसँग खेल्नेछ। राउन्ड रोबिनका सबै खेल मुलपानी मैदानमा हुनेछन् भने फाइनल टियु क्रिकेट मैदानमा हुनेछ।
शीर्ष दुई टोली फाइनल खेल्नेछन्। फाइनल कार्तिक १० मा हुनेछ।
नेपालले आइसिसी विश्वकप टी-२० एसिया क्षेत्र छनोटअघि उक्त सिरिज आयोजना गरेको हो।
