काठमाडौं – फिल्म ‘पशुपति प्रसाद २ : भष्मे डन’को ट्रेलर सार्वजनिक गरिएको छ । दीपेन्द्र के खनाल निर्देशित फिल्मको ट्रेलरमा भष्मे डन पात्रको कथालाई प्रस्तुत गरिएको छ। यसपटक भष्मे डनलाई चुनौती दिँदै फिल्ममा सौगात मल्लको प्रवेश गराइएको छ। सौगात र विपिन कार्कीबिचको लडाइलाई फिल्म भित्र प्रस्तुत गरिएको छ।
फिल्ममा स्वस्तिमा खड्कालाई दुर्गा माताको अवतारमा देखाइएको छ। खगेन्द्र लामिछानेको लेखन तथा निर्माणमा तयार भएको फिल्मले ‘पशुपति प्रसाद’को क्रेजलाई निरन्तरता दिने निर्माणपक्षको दाबी छ।
कार्तिक ४ गते फूलपातिको दिनबाट रिलिजमा आउन लागेको यो फिल्मले बक्स अफिसमा बम्पर व्यापार गर्ने अपेक्षा गरिएको छ। निरज कँडेलको डीओपी रहेको फिल्ममा कृष्ण बहादुर थापाको छायांकन, सुभाष भुषाल, कृष्ण भारद्धाज र किरण भुषालको संगीत, रेवन्द्र विक्रम थापाको एक्सन, प्रविण सिंहको कोरियोग्राफी छ।
हेर्नुस् ट्रेलर
